Boëte de Paort is de vastelaovesvereiniging oét Venlo-Zuid. De vereiniging is begós in de bestuurskamer van Quick Boys, mit negen opriechters en ein klein kasje, en is sindsdeen oétgegreuid tot ein vaste waarde in de Venlose Vastelaovend.
Mit ein dreijspan veur de groeëte en ein veur de jeug, ut jaorlikse blaad “Paort” en ein thoés in Kefee de Baek bringk Boëte de Paort eder jaor weer minse same. Auk joekskepèl Sjiengeleboem is door leie van Boëte de Paort opgeriech.