Jocus is al generasies lang neet weg te dinke oét de Venlose Vastelaovend. De vereiniging steit veur tradisie, same zien, plezeer en alles wat de Venlose Vastelaovend zoë biëzonder maak.
Van Elf van Elf tot aan de groeëte daag van de Vastelaovend: Jocus bringk minse same mit meziék, tradities en evenementen in de stad. Mit de Prins, zien gevolg, de joekskepelle en alle andere vastelaovesvierders wuurt Venlo eder jaor weer één groeët feest.
Jocus bewaak de tradities, mer kiek auk veuroét. Want de Venlose Vastelaovend blief in beweging, mit respect veur wat is gewaes en enthousiasme veur wat nog kump.
Same make weej d’r eder jaor weer iets schoons van. Want Vastelaovend viere, det deiste neet allein. Det doon weej same.
