Op dit grutste boerevastelaovesbal luuet ’t Boerebroèlofsgezelschap van ’t veurig jaor, Beejeingeklats, eur ‘kiendje’ kieke. Daonao neemp ’t gezelschap aafscheid en ein nieje taak op zich: die van Ermen Tak.
Daomit make zeej de buun vreej veur ’t nieje Boerebroèlofsgezelschap van Canon. Eur broèdspaar Lena en Sjors geit in óndertrouw en stelt zich veur aan alle boere en boerinne.
De meziek galdert door Jocus Hoonderstal, met netuurlik de veer winnende Jocusleedjes en de Jocus Hofkepel.
De zaal is aangekleid in boerestiel. Jóng en ald luuet zich, wie idder jaor, weer in eur beste boerekleid of boerepak zeen. D’n Boeremoosbal is ’t begin van de meis joeksige waeke van ’t jaor!
