Op zaoterdaag 30 jannewari 2027 is ’t weer tied veur Jocus Joetsaovend! Aansloétend aan ’t Prônke op de Klaosstraot trekke weej de Parade op veur ein aovend vol Venlose vastelaovend.
Joets van kefeej nao kefeej, zing met, dans met en geniet van de joekskepelle die op straot veur de juuste sfeer zörge.
Met de stempelkaart kriégse beej idder deilnemend kefeej ein klep veur lau. Haes ze allemaol gehad? Dan wach op dich ein exclusieve Jocus Joetsaovend-medaalie, ôntworpe door Hofteikenaer Marc Hurkens.
Stempelkaarte zien binnekort te kriége via de webshop en beej de deilnemende kefeejs.
Jocus Joetsaovend: 30 jannewari 2027, van 17.11 wies 23.11 oor.
